17 Mehefin 2025
Mae S4C wedi cyhoeddi arlwy i gyfleu'r holl fwrlwm wrth i dîm Cymru gystadlu ym Mhencampwriaeth UEFA Euro Menywod 2025 yn Y Swistir fis Gorffennaf, ochr yn ochr â darlledu pob gêm Cymru yn y bencampwriaeth yn fyw ar S4C.
Fel Cartref Chwaraeon Cymru, S4C yw'r unig ddarlledwr sy'n dangos pêl-droed menywod yn fyw ar bob lefel – o'r Brif Adran Premier Genero, Tlws yr Adran Genero a Chwpan Cymru, i'r tîm cenedlaethol.
Mae'r cynnwys arbennig sy'n dilyn taith Cymru i'r Ewros - ar deledu, llwyfannau digidol ac ar draws y cyfryngau cymdeithasol – oll yn rhan o ymgyrch AmdanHi S4C yn cefnogi tîm Menywod Cymru gan ysbrydoli mwy o ferched a menywod i gymryd rhan mewn chwaraeon.
16 Mehefin 2025
Mae hyn yn cynnwys partneriaeth nodedig gyda TG4 i ddarlledu'r gêm agoriadol yn fyw ac am ddim.
Bydd S4C yn darlledu Taith dynion Llewod Prydain ac Iwerddon Qatar Airways 2025 eleni i Awstralia, gan ddechrau gyda darllediad byw o'r gêm agoriadol yn ecsgliwsif ac am ddim, mewn cyd-gynhyrchiad hanesyddol gyda'r sianel Wyddelig, TG4.
Bydd S4C a TG4 yn ymuno i ddod â darllediad rhad ac am ddim o gêm gyntaf erioed y Llewod yn Iwerddon, a'r cyd-gynhyrchiad chwaraeon cyntaf rhwng y ddau ddarlledwr cyhoeddus.
Ar ba sianel deledu mae S4C? Ydy S4C ar gael ar-lein? Pa ddyfeisiau alla'i ddefnyddio i wylio S4C? Yr atebion i gyd ar un dudalen.
Ailddarllediad arbennig yn dilyn marwolaeth Barry John yn ddiweddar. Hanner canrif ers i'r Llewod ennill cyfres yn Seland Newydd am yr unig dro erioed, mae arwyr rygbi Cymru - gan gynnwys Barry John mewn cyfweliad prin yn y Gymraeg - yn cofio'r daith eiconig, a sut drechwyd Y Crysau Duon gan un o'r timau gorau erioed.
